Author: admin

ກອງບັນຊາການ ປກສ ແຂວງໄຊຍະບູລີ ໄດ້ຄັດເລືອກເອົາກໍາລັງໃໝ່ ທີ່ຮຽນຈົບວິຊາສະເພາະຈາກສະຖາບັນການສຶກສາຕ່າງໆ ທັງພາຍໃນ ແລະ ຕ່າງປະເທດ ແລະ ຮຽນຈົບຊັ້ນ ມ 7 ທີ່ມີມາດຖານ-ເງື່ອນໄຂ ເພື່ອສະໝັກເຂົ້າເປັນກໍາລັງປ້ອງກັນຄວາມສະຫງົບ ປະຈໍາ ປີ 2022 ໃນອາທິດຜ່ານມານີ້, ເຂົ້າ ຮ່ວມໂດຍ ພັອ ຄໍາສິນ ຜິວວັນນາ ຮອງຫົວໜ້າກອງບັນຊາການ ປກສ ແຂວງໄຊຍະບູລີ ຫົວໜ້າຄະນະຮັບຜິດຊອບກວດກາ ແລະ ຮັບກໍາລັງໃໝ່, ມີຄະນະຮັບຜິດຊອບກວດກາ ແລະ ຮັບກໍາລັງໃໝ່, ພໍ່-ແມ່ຜູ້ປົກຄອງ ແລະ ຜູ້ທີ່ມາສະໝັກເປັນກໍາລັງໃໝ່ ເຂົ້າຮ່ວມ.

ພັອ ຄໍາສິນ ຜິວວັນນາ ໄດ້ຜ່ານແຈ້ງການ ສະບັບເລກທີ 7726/ປກສ.ຊລ ລົງວັນທີ 12 ຕຸລາ 2022 ເລື່ອງການຮັບກໍາລັງໃໝ່ເຂົ້າເປັນກໍາລັງປ້ອງ ກັນຄວາມສະຫງົບ ແຂວງໄຊຍະບູລີ ປະຈໍາປີ 2022, ເຊິ່ງຜູ້ທີ່ຈະສະໝັກເຂົ້າເປັນກໍາລັງປ້ອງກັນຄວາມສະຫງົບ ຕ້ອງມາດຖານຄົບຖ້ວນຕາມການ ແຈ້ງການ ຄື: ຕ້ອງເປັນຄົນລາວ, ຖືສັນຊາດລາວມາແຕ່ກໍາເນີດ, ມີ ອາຍຸກະສຽນແຕ່ 18-30 ປີ, ມີປະຫວັດຈະແຈ້ງຂາວສະອາດ, ຖານະໂສດ, ບໍ່ເຄີຍຖືກເຈົ້າໜ້າທີ່ດໍາເນີນຄະດີ ແລະ ບໍ່ຖືກສານຕັດອິດສະລະພາບມາກ່ອນ, ມີທັດສະນະຫຼັກໝັ້ນ, ທາດແທ້ການເມືອງໜັກແໜ້ນ, ມີຄວາມຈົງຮັກພັກດີຕໍ່ພັກ-ລັດ ແລະ ປະຊາຊົນ, ຢືດໝັ້ນອຸດົມການສັງຄົມນິຍົມ, ມີຄວາມມັກຮັກໃນອາຊີບ, ກ້າຫານເສຍສະຫຼະ ແລະ ກຽມພ້ອມປະຕິບັດໜ້າທີ່ວຽກງານຕາມການຈັດຕັ້ງມອບໝາຍ, ມີສຸຂະພາບແຂງແຮງດີ, ຮູບຮ່າງສົມບູນ, ຕ້ອງເປັນຜູ້ຍິງ, ຜູ້ຊາຍແທ້, ບໍ່ເສຍອົງຄະ, ບໍ່ດັດແຂ້ວ, ບໍ່ສັກລາຍ, ບໍ່ບ່ອງຫູ ( ສະເພາະຜູ້ຍິງບໍ່ບ່ອງຫູຫຼາຍຮູ ) ບໍ່ເຮັດໄສຍະກໍາໃບໜ້າ, ບໍ່ດັດແປງອະໄວຍະວະຕ່າງໆຂອງຮ່າງກາຍ, ບໍ່ມີພະຍາດຕິດແປດຊໍາເຮື້ອ, ມີສະຕິສໍາປັດສະຍະຄົບຖ້ວນສົມບູນ, ສາຍຕາແຈ້ງດີ, ບໍ່ມີປະຫວັດເຄື່ອນໄຫວພົວພັນກັບ ສິ່ງຜິດກົດໝາຍ, ບໍ່ພົວພັນສິ່ງເສບຕິດ ແລະ ອື່ນໆທີ່ລະບຽບກົດໝາຍເກືອດຫ້າມ.

ຄຽງຄູ່ກັນນັ້ນ, ເພດຊາຍຕ້ອງມີລວງສູງ 160 ຊັງຕີແມັດຂຶ້ນໄປ, ນໍ້າໝັກ 50 ຫາ 85 ກິໂລກຼາມ, ເພດຍິງ ລວງສູງ 155 ຊັງຕີແມັດຂຶ້ນໄປ, ນໍ້າໝັກ 45-65 ກິໂລ ກຼາມ, ຕ້ອງເປັນຜູ້ທີ່ຮຽນຈົບວັດ ທະນະທໍາ ມ7, ມີອາຍຸລະຫວ່າງ 18-22 ປີ, ຜູ້ທີ່ຮຽນຈົບວິຊາຊີບຕ່າງໆ ເພດຊາຍອາຍຸບໍ່ເກີນ 30 ປີ, ເພດຍິງ ອາຍຸບໍ່ເກີນ 28 ປີ ( ຖານະໂສດ ) ຖ້າມາດຖານເງື່ອນໄຂບໍ່ຄົບແມ່ນບໍ່ໃຫ້ສະໝັກ ເພື່ອຄັດ ເລື່ອກເຂົ້າເປັນກໍາລັງປ້ອງກັນຄວາມສະຫງົບ. ການຄັດເອົາກໍາລັງໃໝ່ຄັ້ງນີ້, ມີຜູ້ມາສະໝັກທັງໝົດ 197 ຄົນ ຍິງ 74 ຄົນ.

1 ດອກບົວ: ເປັນດອກໄມ້ມຸງຄຸນ ທີ່ມີຄຸນຄ່າ ແລະ ເປັນສັນຍາລັກແຫ່ງຄວາມບໍລິສຸດ ມີພະລັງສ້າງສັນ ດັ່ງນັ້ນຈຶ່ງເປັນດອກໄມ້ທີ່ນິຍົມນໍາມາບູຊາໄຫວ້ພຣະຫຼາຍທີ່ສຸດ ເຊິ່ງມີຄວາມເຊື່ອວ່າຈະເຮັດໃຫ້ພົບແຕ່ຄວາມສໍາເລັດ.

.

2 ດອກດາວເຮືອງ: ຊ່ວຍສົ່ງເສີມໃຫ້ຊີວິດມີແຕ່ຄວາມຈະເລີນກ້າວໜ້າ ຮຸ່ງເຮືອງສົມຊື່ ມີເງິນທອງໃຊ້ ຈະສັງເກດເຫັນວ່າຄົນສ່ວນຫຼາຍນິຍົມເອົາດອກດາວເຮືອງມາຮ້ອຍເປັນພວງມະໄລ ເພື່ອໃຫ້ໃນພິທີຕ່າງໆດ້ວຍ.

3 ດອກມະລິ: ບໍ່ວ່າຈະເປັນດອກມະລິຫຍັງກໍ່ຕາມ ຈະເຮັດໃຫ້ພົບແຕ່ຄວາມສຸກ ສົດຊື່ນ ຄວາມສົມບູນ ຖືເປັນດອກໄມ້ສິຣິມມົງຄຸນໃນດ້ານທີ່ເຮັດໃຫ້ຄົນໃນບ້ານມີຄວາມບໍລິສຸດ ມີຄວາມຮັກ ຄວາມຄິດເຖິງແກ່ບຸກຄົນທົ່ວໄປ ດອກມະລິເປັນໄມ້ມົງຄຸນທີ່ສູງຄ່ານິຍົມໃຊ້ບູຊາພຣະໃນທຸກຮູບແບບ ຄວາມສີຂາວບໍລິສຸດ ແລະ ກິ່ນຫອມເຢັນ ຈະສົ່ງເສີມໃຫ້ຢູ່ດີີສຸກ.

4 ດອກກຸຫຼາບ: ມີສະເໜ່ເປັນທີ່ຮັກແກ່ຜູ້ພົບເຫັນ ດ້ວຍຄວາມທີ່ມີລັກສະນະ ແລະ ສີສັນສວຍງາມ ບູຮານເຊື່ອວ່າຫາກຄອບຄົວໃດປູກດອກກຸຫຼາບເອົາໄວ້ພາຍໃນບໍລິເວນເຮືອນ ກໍ່ໜ້າຈະຊ່ວຍເພີ່ມຄວາມສະຫງ່າງາມໃຫ້ ໃຜໆຕ່າງກໍ່ຮັກ ແລະ ຍົກຍ້ອງ.

5 ດອກກ້ວຍໄມ້: ພົບແຕ່ຄວາມສໍາເລັດ ການເຮັດສິ່ງໃດໆ ກໍ່ລາບລື່ນ ຜ່ານພົ້ນໄປໄດ້ດ້ວຍດີ ແລະ ຍັງເປັນສັນຍາລັກທີ່ສື່ເຖິງມິດຕະພາບ ຄວາມງົດງາມ ຄວາມບໍລິສຸດ

ຫົວພຣະຍານາກ ໂຜ່ຂື້ນມາວັດຫລວງປູ່ທິມ ມີກົບຍັກສີທອງຢູ່ຂ້າງໆ

ວັນທີ 22 ຕຸລາ ເປັນມື້ດີຫລາຍ ຮູບນີ້ຂື້ນຫນ້າປົກທ່ານ ໂປດຢ່າເລື່ອນຜ່ານ ທ່ານກຳລັງຈະມີໂຊກ ປາສະຈາກໂລກໄພໄຂ້ເຈັບ ມີແຕ່ຄວາມສຸກຄວາມຈະເລີນ ຂໍໃຫ້ລູກມີແຕ່ສິ່ງດີໆເຂົ້າມາຫາ

.

ຈັບເງິນເເສນເງິນລ້ານ ພາຍໃນ 3-7 ມື້ ໃຜສາທຸ ຂໍໃຫ້ສົມຫວັງທຸກປະການດ້ວຍເທີ້ນ ຮ່ວມອະນຸໂມທະນາສາທຸ

ເລີ່ມນໍາໃຊ້ລະເດີ້ ໃບ 10 ພັນ 20 ພັນກີບ ໃໝ່ໃໝ່ ຄືດັ່ງທີ່ຂ່າວເສດຖະກິດ-ການຄ້າໄດ້ອອກຂ່າວໄປແລ້ວວ່າ ທະນາຄານແຫ່ງ ສປປ ລາວໄດ້ອອກຖະແຫຼງຂ່າວຈະນຳເອົາທະນະບັດປັບປຸງໃໝ່ ປະເພດໃບ 10000 ແລະ 20000 ພັນກີບ ອອກສູ່ຂອດຈໍລະຈໍໃນທົ່ວສັງຄົມ ເຊິ່ງ ໃບເງິນສອງໃບນີ້ແມ່ນມີ ລັກສະນະໂດຍລວມດັ່ງນີ້:

ເປັນທະນະບັດບໍ່ມີຂອບມີຂະໜາດລວງຍາວຫຼຸດລື່ນກັນ 3 ມມ ຄື: ປະເພດໃບ 10000 ກີບ ມີລວງຍາວ 153 ມມ ແລະ ລວງກວ້າງ 72 ມມ ແລະ ປະເພດໃບ 20000 ກີບ ມີລວງຍາວ 156 ມມ ແລະ ລວງກວ້າງ 72 ມມ, ໂທນສີຂອງໃບທະນະບັດທັງສອງປະເພດຍັງຄ້າຍຄືກັບໂທນສີທະນະບັດປະເພດໃບ 10.000 ກີບ ແລະ 20.000 ກີບ ລຸ້ນປີ 2003 ທີ່ນໍາໃຊ້ປະຈຸບັນ.
ຄຸນລັກສະນະຕ້ານການປອມແປງ:
1) ເຄື່ອງໝາຍຊາດ ຂອງ ສປປ ລາວ ຈະເຮືອງແສງເປັນສີເຫຼືອງ ເມື່ອສ່ອງຜ່ານແສງໄຟສີມ້ວງ;
2) ຕົວໜັງສື ສາທາລະນະລັດ ປະຊາທິປະໄຕ ປະຊາຊົນລາວ ເມື່ອສໍາພັດຈະສະດຸດມື;
3) ລາຍນໍ້າປະທານ ໄກສອນ ພົມວິຫານ ແລະ ຕົວເລກບອກມູນຄ່າ ຢູ່ໃນເນື້ອເຈ້ຍ ເມື່ອສ່ອງໃສ່ແສງສະຫວ່າງ ຈະເຫັນຢ່າງຊັດເຈນ ທັງດ້ານໜ້າແລະ ດ້ານຫຼັງ;
4) ເສັ້ນນິລະໄພ ມີຕົວເລກລາວບອກມູນຄ່າ ໑໐໐໐໐ ສໍາລັບປະເພດໃບ 10000 ກີບ ແລະ ຕົວເລກລາວບອກມູນຄ່າ ໒໐໐໐໐ ສໍາລັບປະເພດໃບ 20000 ກີບ;
5) ຕົວເລກບອກມູນຄ່າ 10000 ແລະ 20000 ຢູ່ດ້ານໜ້າຈະປ່ຽນສີໄດ້ ເມື່ອພິກອຽງທະນະບັດໄປມາ.
ທະນະບັດປະເພດໃບ 10000 ກີບ ແລະ ໃບ 20000 ກີບ ລຸ້ນປີ 2020 (ຮູບແບບປັບປຸງໃໝ່) ທີ່ນຳອອກສູ່ຂອດຈໍລະຈອນຄັ້ງນີ້ ແມ່ນສາມາດນຳໃຊ້ຖືກຕ້ອງຕາມກົດໝາຍ, ໂດຍນຳໃຊ້ຄຽງຄູ່ກັບທະນະບັດປະເພດໃບ 10000 ກີບ ແລະ ໃບ 20000 ກີບ ລຸ້ນປີ 2003 ທີ່ຈໍລະຈອນໃນປະຈຸບັນແລະ ຈະບໍ່ມີຜົນກະທົບຕໍ່ສະຖຽນລະພາບເງິນຕາແຫ່ງຊາດ ເພາະເປັນການສະໜອງທະນະບັດຮູບແບບປັບປຸງໃໝ່ ທີ່ມີຄຸນນະພາບສູງ ເຂົ້າສູ່ລະບົບເສດຖະກິດ;
ສໍຳລັບທະນະບັດປະເພດໃບ10000ກີບແລະໃບ20000ກີບລຸ້ນປີ2003ທີ່ນຳໃຊ້ໃນຂອດຈໍລະຈອນ ປະຈຸບັນ ຍັງສາມາດນຳໃຊ້ໝູນວຽນເຂົ້າໃນການຊຳລະສະສາງ ຊື້ສິນຄ້າ ແລະ ບໍລິການ ໄດ້ຕາມປົກກະຕິ ຈະບໍ່ມີການຍົກເລິກການນຳໃຊ້ ແຕ່ຢ່າງໃດ;
ທະນາຄານແຫ່ງ ສປປ ລາວ ໃນນາມທີ່ມີພາລະບົດບາດໃນການຄຸ້ມຄອງ ມະຫາພາກທາງດ້ານເງິນຕາ, ຂໍຮຽກຮ້ອງໃຫ້ສື່ມວນຊົນ ເປັນກະບອກສຽງເຜີຍແຜ່ໃຫ້ພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ-ລັດຖະກອນ, ທະຫານ ແລະ ຕຳຫຼວດໃນຂອບເຂດທົ່ວປະເທດ, ຈົ່ງມີຄວາມເຊື່ອໝັ້ນຕໍ່ກັບການນຳເອົາທະນະບັດ ປະເພດໃບ 10000 ກີບ ແລະ 20000 ກີບ ລຸ້ນປີ 2020 (ຮູບແບບປັບປຸງໃໝ່) ອອກສູ່ຂອດຈໍລະຈອນ ກໍ່ຄືສັງຄົມໃຫ້ໄດ້ນຳໃຊ້ໃນຄັ້ງນີ້, ພ້ອມນີ້ກໍ່ໃຫ້ມີສະຕິລະວັງຕົວບໍ່ໃຫ້ຫຼົງເຊື່ອການໂຄສະນາໃນຮູບແບບຕ່າງໆ ຂອງກຸ່ມຄົນທີ່ບໍ່ຫວັງດີສວຍໂອກາດສ້າງຄວາມປັ່ນປ່ວນ ແລະ ຄວາມບໍ່ສະຫງົບໃນສັງຄົມ.

ພ້ອມດຽວກັນນີ້, ທະນາຄານແຫ່ງ ສປປ ລາວ ຂໍຮຽກຮ້ອງໃຫ້ທຸກຄົນທົ່ວສັງຄົມ ໄດ້ເສີມຂະຫຍາຍສິດເປັນເຈົ້າຂອງປະເທດຊາດດ້ວຍການປົກປ້ອງ ແລະ ນໍາໃຊ້ເງິນຕາຂອງຊາດຢ່າງຖືກຕ້ອງ ປະກອບສ່ວນສົ່ງເສີມການນໍາໃຊ້ເງິນກີບ, ເສີມສ້າງຄຸນຄ່າຂອງເງິນກີບ ແລະ ຮັກສາສະຖຽນລະພາບເງິນຕາແຫ່ງຊາດ ໃຫ້ໝັ້ນຄົງຍາວນານ.
ໃນຕໍ່ໜ້າທະນາຄານແຫ່ງ ສປປ ລາວ ຈະໄດ້ຄົ້ນຄວ້າປັບປຸງທະນະບັດປະເພດໃບອື່ນໆ ໂດຍຄຳນຶງເຖິງຄຸນນະພາບມາດຕະຖານ ແລະ ເຕັກນິກຕ້ານການປອມແປງທີ່ທັນສະໄໝ ເພື່ອໃຫ້ສັງຄົມໄດ້ນຳໃຊ້ທະນະບັດ ຢ່າງມີຄວາມປອດໄພ ສະດວກສະບາຍໃນການຈັບຈ່າຍໃຊ້ສອຍເຂົ້າໃນຊີວິດປະຈຳວັນ.

ໃນວັນທີ 3-4 ພຶດສະພາ 2022 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ ເຄື່ອນໄຫວຢ້ຽມຢາມ ແລະ ເຮັດວຽກຢູ່ທີ່ແຂວງວຽງ ຈັນ, ໂດຍມີ ທ່ານ ຄໍາພັນ ສິດທິດຳພາ ເຈົ້າແຂວງໆວຽງຈັນ ພ້ອມດ້ວຍ ຄະນະນຳຂອງແຂວງ, ເມືອງ, ພະແນກການ ແລະ ປະ ຊາຊົນ ຈຳນວນໜຶ່ງ ໃຫ້ການຕ້ອນຮັບຢ່າງອົບອຸ່ນ.

ໂອກາດນີ້, ທ່ານ ຄໍາພັນ ສິດທິດຳພາ ຕາງໜ້າອົງການປົກຄອງແຂວງ ໄດ້ລາຍງານໃຫ້ຊາບໂດຍຫຍໍ້ ກ່ຽວກັບ ສະພາບການພັດ ທະນາເສດຖະກິດ-ສັງຄົມຂອງແຂວງ ເຫັນວ່າ ທ່າແຮງຕົ້ນຕໍຂອງແຂວງ ແມ່ນມີທົ່ງພຽງທີ່ກວ້າງໃຫຍ່, ມີເນື້ອທີ່ທໍາການຜະລິດກະສິກໍາ ກວ້າງຂວາງ, ມີຊັບພະ ຍາກອນບໍ່ແຮ່ທີ່ສໍາຄັນຫຼາຍແຫ່ງ, ມີແມ່ນໍ້າທີ່ສໍາຄັນຫຼາຍສາຍ, ມີເສັ້ນ ທາງດ່ວນ ວຽງຈັນ-ວັງວຽງ, ເສັ້ນ ທາງລົດໄຟລາວ-ຈີນ ທີ່ສາມາດເຊື່ອມໂຍງ-ເຊື່ອມຈອດ ກັບບັນ ດາແຂວງອ້ອມຂ້າງ ແລະ ອອກສູ່ ສປ ຈີນ ຊຶ່ງໜຶ່ງໃນສະຖານນີທີ່ສຳຄັນ ກໍ່ແມ່ນສະຖານນີວັງວຽງ ໄດ້ເປັນຈຸດຂົນສົ່ງສິນຄ້າປະເພດຕ່າງໆ, ທັງເປັນຈຸດເຊື່ອມກັບ ແຫຼ່ງທ່ອງທ່ຽວເມືອງວັງວຽງ ແລະ ໜ້າເຂື່ອນໄຟຟ້ານໍ້າງື່ມ 1.

ຕາມແຜນການຮັບນັກທ່ອງທ່ຽວ ຈາກພາຍໃນ ແລະ ຕ່າງປະເທດ ໃນໄລຍະຜ່ອນຜັນຂອງການລະບາດພະຍາດໂຄວິດ-19 ນີ້, ເມືອງວັງວຽງ ກໍ່ໄດ້ຖືກກຳນົດເປັນເມືອງທ່ອງທ່ຽວສີຂຽວ. ປັດຈຸບັນ, ແຂວງວຽງຈັນ ພວມສຸມໃສ່ຍູ້ແຮງການຜະລິດໃຫ້ເຂັ້ມແຂງ ໂດຍເລີ່ມຈາກສັງຄົມຜະ ລິດ, ຊຸກຍູ້ຫົວໜ່ວຍຜູ້ປະກອບການທຸລະກິດຂະໜາດນ້ອຍ, ຂະໜາດກາງ ສ້າງຜະລິດຕະພັນ ໃຫ້ໄດ້ທັງປະລິມານ ແລະ ຄຸນນະ ພາບ, ຕ້ານ ແລະ ສະກັດກັ້ນບັນຫາຢາເສບຕິດຢ່າງເຂັ້ມງວດ ກໍຄືພວມສຸມໃສ່ຈັດຕັ້ງປະຕິບັດ 2 ວາລະແຫ່ງຊາດ ໃນການແກ້ໄຂຄວາມຫຍຸ້ງຍາກດ້ານເສດຖະ ກິດ-ການເງິນ ແລະ ການແກ້ໄຂບັນຫາຢາເສບຕິດ. ສຳລັບ ປີ 2021 GDP ຂອງແຂວງ ຂະ ຫຍາຍຕົວ 4%, ເທົ່າກັບ 71,42% ຂອງແຜນການ, ສະເລ່ຍຕໍ່ຫົວຄົນໄດ້ 18,02 ລ້ານກີບ ຫຼື ເທົ່າກັບ 1.882 ໂດລາ/ປີ. ການເກັບລາຍຮັບເຂົ້າງົບປະມານປະຕິບັດໄດ້ 209,18 ຕື້ກີບ, ເທົ່າກັບ 95,10% ຂອງແຜນ. ສໍາລັບ 3 ເດືອນຕົ້ນປີ 2022 GDP ເພີ່ມຂຶ້ນ 1 % ເທົ່າ ກັບ 22,22% ຂອງແຜນການ, ເກັບລາຍຮັບເຂົ້າງົບປະມານປະ ຕິບັດໄດ້ 45,02 ຕື້ກີບ, ເທົ່າກັບ 19,76% ຂອງແຜນການ.

ໂອກາດດຽວກັນ, ທ່ານ ສອນໄຊ ສີພັນດອນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສໍາເລັດທີ່ແຂວງສາມາດຍາດມາໄດ້ໄລຍະຜ່ານມາ ແລະ ໄດ້ຊີ້ນຳໃຫ້ແຂວງ ເອົາໃຈໃສ່ຕື່ມບາງດ້ານ ເປັນຕົ້ນ ເອົາໃຈໃສ່ປັບປຸງລະບອບແບບ ແຜນການດຳເນີນງານ, ແບບ ແຜນວິທີເຮັດວຽກ ໃຫ້ສອດຄ່ອງກັບສະພາບຕົວຈິງຂອງແຂວງໃນແຕ່ລະໄລຍະ, ມີຄວາມໜັກແໜ້ນ, ເປັນເອກະພາບສູງ, ບົນຫຼັກການລວມສູນປະຊາທິປະໄຕ, ຕ້ອງສ້າງການຫັນປ່ຽນໃນວຽກ ງານພະນັກງານ, ເອົາໃຈໃສ່ແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຖັນແຖວພັກ-ພະນັກງານ ໃຫ້ໄດ້ຢ່າງທັນການ; . ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ໃນສັງ ຄົມ, ຄຸ້ມຄອງບັນດາໂຄງການລົງທຶນຂະໜາດໃຫຍ່ຢູ່ແຂວງ ໃຫ້ມີຄວາມສະຫງົບ, ປອດໄພ ເປັນຕົ້ນແມ່ນ ໂຄງການທາງດ່ວນ, ໂຄງການເສັ້ນທາງລົດໄຟ ແລະ ອື່ນໆ; . ສືບຕໍ່ຫັນລົງກໍ່ສ້າງຮາກ ຖານການເມືອງ ໃຫ້ເລິກເຊິ່ງກວ່າເກົ່າ, ເອົາໃຈໃສ່ປະສານງານກັບບັນດາແຂວງອ້ອມຂ້າງ ໃນການແກ້ໄຂບັນຫາຕ່າງໆ ຮັບປະກັນໃຫ້ມີຄວາມສະຫງົບປອດໄພ, ເປັນລະບຽບຮຽບຮ້ອຍ ແລະ ເປັນ ເງື່ອນໄຂອຳນວຍຄວາມສະດວກໃຫ້ແກ່ການທຳມະຫາກິນຂອງປະຊາຊົນ; . ເອົາໃຈໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ຕິດພັນກັບການຈັດຕັ້ງປະຕິບັດ ວາລະແຫ່ງຊາດວ່າດ້ວຍການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ຢ່າງແຂງແຮງເນື່ອງຈາກການປະຕິິບັດຕົວຈິງແມ່ນຢູ່ຂັ້ນທ້ອງຖິ່ນ ໂດຍໃຫ້ເອົາໃຈໃສ່ຄຸ້ມຄອງ ໂຄງການລົງທຶນຕ່າງໆ ບໍ່ວ່າໃນຮູບແບບການລົງທຶນແບບປົກກະຕິ ຫຼື ແບບທົດລອງ ໃຫ້ມີປະສິດທິຜົນ ເປັນຕົ້ນໂຄງການລົງທຶນດ້ານແຮ່ທາດ ເພື່ອບໍ່ໃຫ້ມີບັນຫາຂໍ້ຂັດແຍ່ງທາງດ້ານພື້ນທີ່, ການສໍ້ໂກງປະລິມານ ແລະ ຄວາມເຂັ້ມຂຸ້ນ, ບໍ່ສ້າງຜົນກະທົບຕໍ່ສິ່ງແວດລ້ອມ-ສັງຄົມ.

ພ້ອມກັນນີ້, ໃຫ້ເອົາໃຈໃສ່ຄຸ້ມ ຄອງການຈັດເກັບລາຍຮັບຈາກໂຄງການຕ່າງໆ ເປັນຕົ້ນ ໂຄງການບໍ່ແຮ່, ການສົົ່ງອອກແຮ່ທາດ, ໂຄງການຂຸດຄົ້ນຊັບສິນດີຈີຕອນ ແລະ ອື່ນໆ ໃຫ້ໄດ້ຕາມສັນຍາ ແລະ ກົດໝາຍ; ສືບຕໍ່ເອົາໃຈໃສ່ຄຸ້ມຄອງແຫຼ່ງທ່ອງທ່ຽວຕ່າງໆ ໃຫ້ມີຄວາມຍືນຍົງ, ມີການບໍລິ ການທີ່ເປັນມາດຕະຖານ, ກຳນົດລາຄາສິນຄ້າ ແລະ ຄ່າບໍລິການຕ່າງໆ ຢູ່ບັນດາສະຖານທີ່ທ່ອງ ທ່ຽວ ໃຫ້ມີຄວາມເໝາະສົມ ບໍ່ສວຍໂອກາດເອົາປຽບລູກຄ້າ.

ການເຄື່ອນໄຫວເຮັດວຽກ ຢູ່ແຂວງວຽງຈັນ ໃນຄັ້ງນີ້, ທ່ານ ສອນໄຊ ສີພັນດອນ ພ້ອມດ້ວຍຄະນະ ຍັງໄດ້ໄປຢ້ຽມຢາມໂຄງ ການຂຸດຄົ້ນແຮ່ເຫຼັກ ທີ່ບ້ານຊ່ວງ, ເມືອງວັງວຽງ; ຢ້ຽມຢາມໂຮງງານໄມ້ອັດ ຂອງບໍລິສັດບົວລະພາ ທີ່ເມືອງຫີນເຫີບ; ຢ້ຽມຢຽມໂຄງ ການຂຸດຄົ້ນຊັບສິນດີຈິຕອນ ຂອງບໍລິສັດພົງຊັບທະວີ ທີ່ເມືອງທຸລະຄົມ; ຢ້ຽມຢາມໂຄງການພັດທະ ນາ ທີ່ໂຮງແຮມແດນສະຫວັນ ນໍ້າງື່ມລີສອດ ແລະ ໄດ້ມອບເງິນຈຳ ນວນໜຶ່ງ ໃຫ້ອົງການປົກຄອງແຂວງວຽງຈັນ ເພື່ອນໍາໃຊ້ເຂົ້າໃນການຈັດຕັ້ງປະຕິບັດວຽກງານລວມຂອງແຂວງ ຕື່ມອີກ.
ຈາກ: Lao National Radio

ລັດວິສາຫະກິດໄປສະນີລາວແຕ່ໃດໆມາເປັນຈຸດບໍລິການຂົນສົ່ງຫໍ່ເຄື່ອງ, ພັດສະດຸໄປຕ່າງປະເທດ ແລະພາຍໃນປະເທດ ປະຊາຊົນລາວຍຸກ 90 ຂຶ້ນມາຕ່າງກໍ່ຮູ້ຈັກກັນດີ ແຕ່ໄລຍະຫຼັງໆມາ ແມ່ນເລີ່ມມີການບໍລິການຂອງບໍລິສັດເອກະຊົນເຂົ້າມາ ໂດຍສະເພາະນັບຈາກມີການເຕີບໃຫຍ່ຂະຫຍາຍຕົວຂອງການຄ້າຂາຍອອນລາຍ ສະນັ້ນ ເພື່ອຮັກສາ ແລະຜັນຂະຫຍາຍພາລະບົດບາດຂອງລັດວິສາຫະກິດໄຟສະນີລາວໃຫ້ສືບຕໍ່ດຳເນີນທຸລະກິດໄດ້ຢ່າງເຂັ້ມແຂງ ບໍລິສັດເອເຊຍການລົງທຶນໄດ້ເຂົ້າຮ່ວມຊື້ຮຸ້ນຂອງໄປສະນີກວ່າເຄິ່ງໜຶ່ງ.

ພິທີເຊັນສັນຍາຊື້-ຂາຍຮຸ້ນ ຂອງບໍລິສັດ ລັດວິສາຫະກິດ ໄປສະນີລາວ ແລະ ເຊັນສັນຍາຮ່ວມຮຸ້ນສ້າງຕັ້ງບໍລິສັດ ໄປສະນີລາວ ຈຳກັດ, ລະ ຫວ່າງກະຊວງການເງິນ, ຕາງໜ້າໂດຍກົມປະຕິຮູບລັດວິສາຫະກິດ ແລະ ການປະກັນໄພກັບບໍລິສັດ ໂລຈິສຕິກ ເວັນເຈີ ຈຳກັດ (ບໍລິສັດໃນເຄືອຂອງບໍລິສັດ ເອເຊຍລົງທຶນ ແລະ ບໍລິການ ຈຳກັດຜູ້ດຽວ) ຈັດຂຶ້ນໃນວັນທີ 28 ເມສາ 2022 ນີ້, ທີ່ຫ້ອງປະຊຸມໃຫຍ່ກະຊວງການເງິນ.

ໂດຍຕາງໜ້າລົງນາມຂອງທ່ານ ປອ ສອນເພັດ ອິນທະວົງ ຫົວໜ້າກົມປະຕິຮູບລັດວິສາຫະກິດ ແລະ ການປະກັນໄພ ກະຊວງການເງິນ ແລະ ທ່ານ ລັດຕະນະມະນີ ຄູນນີວົງ ຮອງປະທານອາວຸໂສກຸ່ມບໍລິສັດ ເອເຊຍລົງທຶນ ແລະ ບໍລິການ ຈຳກັດຜູ້ດຽວ, ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ບຸນປອນ ວັນນະຈິດ ຮອງລັດຖະມົນຕີ ກະຊວງການເງິນ ແລະ ທ່ານ ປອ ສັນຕິສຸກ ສີມມະລາວົງ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ, ມີທ່ານຫົວໜ້າຫ້ອງການກະຊວງການເງິນ, ຫົວໜ້າກົມໄປສະນີ, ກະຊວງເຕັກໂນໂລຊີ ແລະ ການສື່ສານ, ບັນດາຫົວໜ້າກົມ, ຮອງກົມ, ພະແນກການທີ່ກ່ຽວຂ້ອງເຂົ້າຮ່ວມ.
ໂດຍປະຕິບັດຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ວ່າດ້ວຍທິດຊີ້ນຳຜົນການປະ ມູນຊື້-ຂາຍຮຸ້ນບໍລິສັດ ລັດວິສາຫະກິດໄປສະນີລາວ ແລະ ມອບໃຫ້ກະຊວງການເງິນເຊັນສັນຍາຊື້-ຂາຍຮຸ້ນ ແລະ ສັນຍາຮ່ວມຮຸ້ນຮ່ວມກັບບໍລິສັດ ໂລຈິສຕິກ ເວັນເຈີ ຈຳກັດ (AIF), ສະບັບເລກທີ 225/ຫສນຍ, ລົງວັນທີ 18 ກຸມພາ 2022 ແລະ ອີງຕາມຂໍ້ຕົກລົງຂອງລັດຖະມົນຕີ ກະຊວງການເງິນ, ສະບັບເລກທີ 1091/ກງ, ລົງວັນທີ 22 ເມສາ 2022 ວ່າດ້ວຍການອະນຸມັດເຫັນດີໃຫ້ ເຊັນສັນຍາຊື້-ຂາຍຮຸ້ນ ບໍລິສັດ ລັດວິສາຫະກິດໄປສະນີລາວ ແລະ ສັນຍາຮ່ວມຮຸ້ນ ບໍລິສັດ ໄປສະນີລາວ ຈຳກັດ ລະຫວ່າງ ກະຊວງການເງິນ ຕາງໜ້າໂດຍ ກົມປະຕິຮູບລັດວິສາຫະກິດ ແລະ ການປະກັນໄພ ຮ່ວມກັບ ບໍລິສັດ ໂລຈິສຕິກ ເວັນເຈີ ຈຳກັດ (AIF) ໂດຍລັດຖະບານລາວຕາງໜ້າໂດຍ ກະຊວງການເງິນຖືຮຸ້ນ 49% ແລະ ບໍລິສັດ ໂລຈິສຕິກ ເວັນເຈີ ຈຳກັດ (AIF) ຖືຮຸ້ນ 51%.
ບໍລິສັດ ໂລຈິສຕິກ ເວັນເຈີ ຈໍາກັດ ເປັນບໍລິສັດໃນເຄືອຂອງກຸ່ມບໍລິສັດ ເອເຊຍລົງທຶນ ແລະ ບໍລິການ ຈຳກັດຜູ້ດຽວທີ່ດໍາເນີນທຸລະກິດໃນຫຼາຍຂະແໜງການທັງພາຍໃນ ແລະ ຕ່າງປະເທດເຊັ່ນ: ທະນາຄານ, ການບໍລິການ, ການຂົນສົ່ງ, ໂທລະຄົມ, ໄອທີ, ການພັດທະນາຊອບແວ ແລະ ອື່ນໆ. ພາຍຫຼັງທີ່ບໍລິສັດໄດ້ຮັບການປະມູນຊື້-ຂາຍຮຸ້ນ ຂອງລັດວິສະຫະກິດ ໄປສະນີລາວ, ໂດຍອີງຕາມເອກະສານການປະມູນການຊື້-ຂາຍຮຸ້ນຂອງລັດວິສະຫະກິດ ໄປສະນີລາວ, ກຸ່ມບໍລິສັດ AIF ເປັນຜູ້ຊະນະການປະມູນ, ຄະນະກຳມະການຄົ້ນຄວ້າການຫັນ ລັດວິສະຫະກິດໄປສະນີລາວ ກໍໄດ້ເຫັນດີໃຫ້ບໍລິສັດ AIF ດໍາເນີນການປະເມີນມູນຄ່າຊັບສິນຂອງລັດວິສະຫະກິດ ໄປສະນີລາວຄືນໃໝ່.

ທາງບໍລິສັດກໍໄດ້ດຳເນີນການຈັດຫາບໍລີສັດ ທີ່ປຶກສາທາງດ້ານການເງິນ ເພື່ອທຳການປະເມີນຮຸ້ນຄືນຕໍ່ກັບມູນຄ່າຊັບສິນຂອງລັດວິສະຫະກິດ ໄປສະນີລາວ, ຫຼັງຈາກນັ້ນກົມປະຕິຮູບລັດວິສາຫະກິດ ແລະ ການປະກັນໄພກໍໄດ້ຄັດເລືອກເອົາ ບໍລິສັດ ຫຼັກຊັບ ລາວ-ຈີນ ເປັນຜູ້ປະເມີນຊັບສິນໃນຄັ້ງນີ້.

 

ທັງນີ້, ກໍ່ເພື່ອສືບຕໍ່ການຫັນວິສະຫະກິດຂອງລັດໃຫ້ເປັນທັນສະໄໝພ້ອມທັງເປັນການສະໜອງທຶນໃຫ້ແກ່ງົບປະມານຂອງຊາດນໍາອີກດ້ວຍ.

“หนุ่ม กรรชัย” ยืนยันไม่ได้ชวน คุณแม่ “แตงโม นิดา” พูดเรื่องเงินเยียวยา 30 ล้านบาทก่อน พร้อมเผยคำพูดแม่เรื่อง “เงินกรมธรรม์” ก่อนเข้ารายการ แต่อีกมุมก็เข้าใจความรู้สึกแม่

กลายเป็นประเด็นร้อนที่ถูกวิจารณ์อย่างหนัก สำหรับกรณีที่ ภนิดา ศิระยุทธโยธิน คุณแม่ของนักแสดงสาว “แตงโม นิดา” พัชรวีระพงษ์ ให้สัมภาษณ์ในรายการโหนกระแส ทางช่อง 3 ทั้งเรื่องการเรียกเงินเยียวยา 30 ล้านบาท จนเป็นที่พูดถึงอย่างมากในโลกออนไลน์

ล่าสุด วันที่ 5 มี.ค. 2565 หนุ่ม กรรชัย กำเนิดพลอย ได้ไลฟ์สดประเด็น “LIVE หอนกระแส กับ ทนายตั้ม” พร้อมชี้แจงเรื่อง “เงิน 30 ล้านบาท” ว่า ไม่ได้เป็นคนถามแม่แตงโมก่อน ตอนแรกไม่ได้อยากคุยเรื่องเงินด้วยเพราะกลัวแม่จะโดนว่า ตนแค่ถามว่าทำไมถึงให้อภัยปอ แล้วแม่ก็บอกเองว่าเพราะปอจะให้เงินค่าปลงศพ จึงถามต่อว่าค่าปลงศพคือเงินเยียวยาใช่ไหม แม่ก็บอกใช่

ยืนยัน ไม่ได้ชวนแม่พูดเรื่องเงิน แต่เมื่อแม่พูดออกมาแล้วด้วยความที่เราอยู่หน้าด่าน ก็ต้องไล่ตามหน้าที่พิธีกร ถ้าตนไม่ถามคนก็จะด่าว่าเตี๊ยมกันมา ซึ่งวิชาชีพผมทำแบบนั้นไม่ได้ ประเด็นเดียวที่จะถามแม่คือเรื่องเงินกรมธรรม์ ที่แตงโมยกให้ลูกกระติก ซึ่งคุยกับแม่แล้วก่อนเข้ารายการ ตนบอกแม่ว่า “เงินอันนี้ให้น้องไปเถอะ วันหนึ่งถ้าตนมีโอกาสคุยกับกระติก จะลองคุยดูว่าสามารถส่งคืนแม่ได้ไหม เพราะถ้ากระติกมองว่าเขาเป็นจำเลยสังคมก็ต้องแสดงความบริสุทธิ์ใจ”

แต่แม่ก็ตอบมาตรงนั้นเลยว่า “แต่ฝั่งของแตงโมเขาไม่เคยรับลูกกระติกเป็นลูกบุญธรรมเลยนะ เพราะแม่มีหลักฐาน ที่สำคัญที่สุดคือแม่เป็นผู้จัดการมรดกด้วย” นาทีนั้นตนรู้เลยว่าถ้าถามแม่เรื่องนี้ขึ้นมาในรายการจะหายนะแน่ๆ แล้วมันก็จริง

สำหรับเหตุการณ์เมื่อวานนี้ ไม่สามารถทำอะไรได้แล้ว เพราะมันเป็นการออกอากาศสด ช่วงพักเบรกได้บอกแม่ว่า พูดแบบนี้ไปมันจะเป็นปัญหานะ แต่แม่ตอบกลับว่า ก็มันคือความจริง ตนก็ไม่รู้จะทำยังไง เพราะพยายามบอกแล้ว แต่อีกมุมก็เข้าใจความรู้สึกแม่ เพราะบางเรื่องสังคมก็ไม่ได้เข้าใจในสิ่งที่เขารู้สึก

ส่วนบริบทที่คนรู้สึกหอนกันทั้งประเทศ เพราะทุกคนต้องการช่วยกันตามหาความจริงเรื่องแตงโม ทั้งเห็นใจแม่และสงสารแม่ เชื่อว่าทุกวันนี้ที่คนออกมาพูดเพราะรักแตงโมและเห็นใจแม่ เมื่อ 2 สิ่งนี้มารวมกัน มันจึงส่งผลให้กระแสมันใหญ่ แต่พอวันหนึ่งแม่ออกมาพูดแบบนี้ อาจทำให้หลายคนรู้สึกไม่พอใจ.

ขอบคุณรายการ โหนกระแส

ໂຈນຂຶ້ນເຮືອນ ກວດຊັບສິນໄປລວມໆ 300 ລ້ານກີບ

ຍາມນີ້ເຂົ້າຍາກໝາກແພງ, ຄົນຕົກວຽກຫຼາຍ ເສດຖະກິດບໍ່ດີຫາໄດ້ໜ້ອຍຄ່າໃຊ້ຈ່າຍຫຼາຍ ບວກກັບຄວາມໂລບຂອງຄົນທີ່ມີໃນຕົວຢູ່ແລ້ວ ເຮັດໃຫ້ໂຈນຖືກຳເນີດຫຼາຍຂຶ້ນໃຫ້ທຸກຄົນມີສະຕິລະມັດລະວັງ ໄປໃສໃຫ້ມີຄົນເຝົ້າເຮືອນ, ນອນກາງຄືນກໍ່ຢ່າຫຼັບເລີກຈົນເກີນໄປ.

ເບິ່ງເຫດການໂຈນຂຶ້ນເຮືອນ ກາງເດິກຂອງວັນທີ14 ກຸມພາ 2022 ຊ່ວງເວລາ12-1 ໂມງກວ່າ(ກາງເດິກ)ຄົນໃນເຮືອນນອນຫລັບແບບບໍ່ຮູ້ສະຕິ, ຮູ້ເມື່ອຂື້ນມາຕອນ2:00ໂມງເຫັນປະຕູເຮືອນໄຂຫມົດກວດເບີ່ງຊັບສິນເສຍຫາຍໄປ.

ໃນນັ້ນເປັນ ເງິນກີບ150.000.000ກວ່າລ້ານ, ເງິນບາດ80.000 ບາດ,ສ້ອຍຄໍ+ສາຍແຂນຄຳຫນັກ10ບາດລວມມູນຄ່າເສຍຫາຍຕົກຢູ່ປະມານ300.000.000ກວ່າລ້ານ.

ຫລັກຖານມີທັງຮອຍມືຮອຍຕີນ,ໂສ້ງ,ເສື້ອທີ່ຄົນຮ້າຍໃຊ້ມັດໃບຫນ້າ ຖີ້ມຢູ່ບໍລິເວນປ່າໃກ້ເຮືອນຜ່ານການສືບສວນສອບສວນບຸກຄົນທີ່ສົງໄສພົບວ່າມີສທີ່ມີພິລຸດຫລາຍຢ່າງແຕ່ເຈົ້າຫນ້າທີ່ຍັງບໍ່ທັນເຮັດຫຍັງເທື່ອ.

ຈຸດເກີດເຫດ ບ້ານໂກງຕາຢູນ,ເມືອງທ່າແຕງ,ແຂວງເຊກອງ

ຕັດສິນໃຈຜິດ ຊີວີດຕິດຄະດີຕະຫຼອດ ແຖມກາຍເປັນຄົນທີ່ສັງຄົມລັງກຽດ ບໍ່ຄວນເອົາເປັນແບບຢ່າງ ເປັນການມ້າງທຳລາຍອະນາຄົດ ຊີວິດມີຫຼາຍສິ່ງຫຼາຍຢ່າງໃຫ້ເຮັດ ແລະ ເປັນປະໂຫຍດຫຼາຍ ບໍ່ຄວນມາຈົບທີ່ຄຸກ ທີ່ຕະລາງອັນສ້າງຄວາມເສຍຫາຍ ແລະ ອັບອາຍຕໍ່ຄອບຄົວທີ່ຢູ່ທາງຫຼັງ.

ໃນວັນທີ 10 ກຸມພາ 2022ນີ້ ເຈົ້າໜ້າທີ່ພະແນກຕຳຫຼວດສຶບສວນ-ສອບສວນ ກອງບັນຊາການ ປກສ ແຂວງສະຫວັນນະເຂດ ສາມາດກັກຕົວພວກກໍ່ເຫດຊີງຊັບພົນລະເມືອງໄດ້ 02ຄົນ ຄື: ທ້າວ ນຸ່ນແກ້ວ ໄຊກຸສີ ອາຍຸ 32ປີ ອາຊີບກຳມະກອນ ບ້ານທົ່ງນາມີ ເມືອງ ປາກກະດິງ ແຂວງບໍລິຄຳໄຊ ແລະທ້າວ ເພັດສະໄໝ ຫຼືເຕ້ຍ ອາຍຸ 42 ປີ ອາຊີບກຳມະກອນ ບ້ານໂນນສະຫວາດນະຄອນໄກສອນພົມວິຫານ ແຂວງສະຫວັນນະເຂດ

ເຊິ່ງໄດ້ແຈ້ງຄວາມຈາກຜູ້ເສຍຫາຍ ວ່າ: ໃນເວລາ18ໂມງ 30ນາທີ ຂອງວັນທີ 9 ກຸມພາ2022ນີ້ ຜູ້ເສຍຫາຍໄດ້ຂີ່ລົດຈັກອອກຈາກໂຮງຮຽນ ມສ ໂພນສະຫວັນ ເພື່ອຈະກັບເມືອເຮືອນ ທີ່ບ້ານລັດຕະນະລັງສີໃຕ້ ໂດຍແມ່ນຂັບຂີ່ມາຕາມເສັ້ນທາງລາດສະວົງ ພໍມາຮອດວົງວຽນ ໃກ້ກັບຫ້ອງວ່າການປົກຄອງນະຄອນໄກສອນພົມວິຫານ ໄດ້ມີຄົນຮ້າຍ ຈໍານວນ 02ຄົນ ຂັບຂີ່ລົດຈັກຮອນດ້າເວັບ100ສີຟ້າດຳ ປ້າຍທະບຽນ ຍສ 2429 ສະຫວັນນະເຂດ ທີ່ຂີ່ລົດຈັກມາຮຽງຂ້າງລົດຜູ້ເສຍຫາຍ ສ່ວນຄົນຮ້າຍຜູ້ທີ່ຂັບລົດຈັກແມ່ນໃສ່ເສື້ອແຂນຍາວສີຟ້າ, ຜູ້ນັ່ງຊ້ອນທ້າຍ ແມ່ນໃສ່ໝວກລາຍ, ເສື້ອກິລາແຂນສັ້ນສີສົ້ມ, ນຸ່ງໂສ້ງຂາສັ້ນ.

ທັງສອງໄດ້ລົງມືຈັບເອົາກະເປົ໋າເງິນທີ່ວາງໄວ້ໃນກະຕ່າລົດຈັກ ແລ້ວກໍ່ຂັບຂີ່ລົດຫຼົບໜີ ສ່ວນວ່າເງິນທີ່ຢູ່ໃນກະເປົາທີ່ຄົນຮ້າຍຊີງຊັບໄປນັ້ນ ໃນລວມມີ 10.200.000ກີບ, ໂທລະສັບຍີ່ຫໍ້ໄອໂຟນ 6 ເອັສພລາສສີປອນເງິນ 01ໜ່ວຍ, ໂທລະສັບຫົວເວີຍ 01ໜ່ວຍ, ບັດATM 02ບັດ ຄື: ທະນາຄານກະສິກຳແລະທະນາຄານການຄ້າຕ່າງປະເທດ ແລະບັດປະຈຳຕົວ 01ບັດ

.

ພາຍຫຼັງທີ່ໄດ້ຮັບແຈ້ງຄືແນວນັ້ນທາງຄະນະພັກ-ຄະນະບັນຊາ ກອງບັນຊາການ ປກສ ແຂວງ ຈຶ່ງໄດ້ແຕ່ງຕັ້ງເຈົ້າໜ້າທີ່ ວິຊາສະເພາະ ສົມທົບກັບເຈົ້າໜ້າທີ່ ປກສ ນະຄອນໄກສອນພົມວິຫານ ລົງກວດກາ ແລະເກັບກຳຂໍ້ມູນ ຈາກຄິບວິດີໂອ ທີ່ທາງພົນລະເມືອງດີໄດ້ບັນທຶກໄວ້ ແລະສາມາດຕິດຕາມ ກັກຕົວເປົ້າໝາຍພວກກໍ່ເຫດໄດ້ 02ຄົນ ທ້າວ ນຸ່ນແກ້ວ ໄຊກຸສີ ແລະທ້າວ ເພັດສະໄໝ ຫຼື ເຕ້ຍມາທຳການສຶບສວນ-ສອບສວນ ດຳເນີນຄະດີຕາມລະບຽບກົດໝາຍ ປະຈຸບັດນທາງເຈົ້າໜ້າທີ່ແມ່ນສາມາດເກັບກູ້ເຄື່ອງຄືນມາໄດ້ ໂທລະສັບໄອໂພນ 01ໜ່ວຍ, ໂທລະສັບຫົວເວີຍ01ໜ່ວຍ, ເງິນເກີບ ຈໍານວນ 3.000.000ກີບ,ບັດເອທີເອັມ 02ບັດແລະບັດປະຈໍາຕົວ 01ບັດ.

ສຳນັກຂ່າວຕ່າງປະເທດລາຍງານວ່າ ບໍລິສັດ Zhejiang Energy Group ເປີດເຜີຍວ່າ: ໂຮງໄຟຟ້າ ພະລັງງານຖ່ານຫີນ ຫລີ່ວເຫີງ (Liu Heng) ໂຄງການ 2 ຫາກໍໄດ້ຮັບອະນຸຍາດໃຫ້ກໍ່ສ້າງຈາກແຂວງເຈີຈຽງ (Zhejiang) ເຊິ່ງຈະມີໂຮງງານປະສິດທິພາບສູງ 2 ແຫ່ງ ໂດຍໃຊ້ເຕັກໂນໂລຊີສະອາດ ແບບ USC (ultra-supercritical) ຈະຊ່ວຍສ້າງຄວາມສົມດຸນດ້ານການສະໜອງ ແລະ ຄວາມຕ້ອງການ ດ້ານພະລັງງານໃນແຂວງ ດັ່ງກ່າວ.

ນອກນີ້ ຍັງຈະຊ່ວຍຕອບສະໜອງນະໂຍບາຍ ປັບປ່ຽນສູ່ຄາບອນຕ່ຳ ຂອງແຂວງເຈີຈຽງ ດ້ວຍການເພີ່ມປະສິດທິພາບ ດ້ວຍອັດຕາການຜະລິດກະແສໄຟຟ້າທີ່ຖ່ານຫີນ 254 ກຣາມ ຕໍໍ່ກິໂລວັດ/ຊົ່ວໂມງ ເຊິ່ງຖືວ່າຕ່ຳ ເມື່ອທຽບໃສ່ກັບຄ່າສະເລ່ຍລະດັບຊາດ ຢູ່ທີ່ 302,5 ກຣາມ.

ຈີນ ຈະສ້າງໂຮງໄຟຟ້າຖ່ານຫີນແຫ່ງໃໝ່ອີກ ລວມກຳລັງການຜະລິດ 150 ກິກາວັດ ລະຫວ່າງ ປີ 2021 -2025 ເຮັດໃຫ້ກຳລັງການຜະລິດເພີ່ມຂຶ້ນເປັນ 1.230 ກິກາວັດ ຂອງກຳລັງການຜະລິດ ພະລັງງານໄຟຟ້າຖ່ານຫີນທັງໝົດຂອງປະເທດ.