admin, Author at Laos's Best Web Hosting Company | Affordable Web Hosting Services

ສປປລາວ ພົບກໍລະນີຕິດເຊື້ອໃຫມ່່ 211 ຄົນ; ໃນນິີເປັນກໍລະນີໃນຊຸມຊົນພາຍໃນ 77 ຄົນ ຫຼາຍກວ່າໝູ່ແມ່ນແຂວງຄໍາມ່ວນ 30 ຮອງມາແມ່ນ ຈໍາປາສັກ 16 ຄົນ, ກໍລະນີນໍາເຂົ້າທັງໝົດ 134 ຄົນ
ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫຼງຂ່າວ ກ່ຽວກັບ ສະພາບໂຄວິດ-19 ຢູ່ໃນ ສປປ ລາວ, ປະຈໍາວັນທີ 8 ກັນຍາ 2021 ວ່າ ມາຮອດວັນທີ 7 ກັນຍາ 2021 ໄດ້ກວດວິເຄາະທັງໝົດ 5.385 ຄົນ,

ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 211 ຄົນເຊິ່ງຕິດເຊື້ອໃນຊຸມຊົນ 77 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 134 ຄົນ ຈາກ ສະຫວັນນະເຂດ 53 ຄົນ, ຈໍາປາສັກ 15 ຄົນ, ນະຄອນຫຼວງວຽງຈັນ 16 ຄົນ, ສາລະວັນ 34 ຄົນ, ຄໍາມ່ວນ 10 ຄົນ ແລະ ຫຼວງພະບາງ 6 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.

ຜູ້ຕິດເຊື້ອໃນຊຸມຊົນມີ 77 ຄົນ ຫຼາຍກວ່າໝູ່ແມ່ນແຂວງາມ່ວນ 30 ຄົນ, ຈໍາປາສັກ 16 ຄົນ, ສະຫວັນນະເຂດ 10 ຄົນ, ນະຄອນຫຼວງວຽງຈັນ 7 ຄົນ, ສາລະວັນ 7 ຄົນ, ບໍ່ແກ້ວ 5 ຄົນ, ແລະ ຫຼວງພະບາງ 2 ຄົນ
ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້.

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 16,576 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງໝົດ 4.510 ຄົນ.

ສຳລັບ ບ້ານ ທີ່ຖືກກຳນົດເປັນບ້ານແດງໃໝ່ໃນນະຄອນຫຼວງວຽງຈັນ ມີ 2 ບ້ານ ຄື: ບ້ານດອນຕີ້ວ ເມືອງໄຊທານີ ແລະ ບ້ານອ່າງໃຫ່ຍ ເມືອງ ສີໂຄດຕະບອງ.
ສຳລັບສະຖານທີ່ສ່ຽງໃນນະຄອນຫຼວງວຽງຈັນມີ: ຕະຫຼາດດົງໝາກຄາຍ, ຕະຫຼາດຂາຍຜັກແຄມທາງໃຫ່ຍບ້ານສະພັງມືກ.

ຂໍຂອບໃຈ ຂ່າວເສດຖະກິດການຄ້າ

ວັນທີ 29 ມີຖຸນາ 2021 ຢູ່ທີ່ສະໂມສອນເມືອງຈຳພອນ ໄດ້ຈັດພິທີມອບ-ໂອນ ວຽກງານວິທະຍາສາດ ແລະ ເຕັກໂນໂລຊີ ໄປຂື້ນ ກັບ ຫ້ອງການອຸດສາຫະກຳ ແລະ ການຄ້າເມືອງຈໍາພອນ ແຂວງສະຫວັນນະເຂດ ພາຍໃຕ້ການເຂົ້າຮ່ວມຂອງທ່ານ ຄຳລຸຍ ຍາດຕິວົງ ເຈົ້າເມືອງຈຳພອນ, ທ່ານ ພອນສະໄຫມ ຈັນສີນາ ຫົວຫນ້າພະແນກວິທະຍາສາດ ແລະ ເຕັກໂນໂລຊີ ແຂວງ, ທ່ານ ໄຊຍະເດດ ຜຸຍຍະວົງ ຮອງຫົວຫນ້າພະແນກອຸດສາຫະກຳ ແລະ ການຄ້າແຂວງ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວຫນ້າ-ຮອງຫົວຫນ້າຫ້ອງການ, ເລຂາຄະນະພັກຮາກຖານກຸ່ມບ້ານໃນທົ່ວເມືອງເຂົ້າຮ່ວມ.

ພາຍຫຼັງທີ່ທ່ານ ສຳລານ ພະຈອມພົນ ຫົວຫນ້າຫ້ອງການວິທະຍາສາດ ແລະ ເຕັກໂນໂລຊີ ເມືອງຈຳພອນ ໄດ້ຂື້ນຜ່ານບົດສະຫລຸບ ແລະ ວາງທິດທາງແຜນການວຽກງານວິທະຍາສາດ ແລະ ເຕັກໂນໂລຊີຢ່າງເປັນທາງການແລ້ວ ຈາກນັ້ນທ່ານ ນາງ ແວວຄຳ ອິນສົມບັດ ກຳມະການພັກເມືອງ ຫົວຫນ້າຫ້ອງການພາຍໃນເມືອງກໍ່ໄດ້ຜ່ານຂໍ້ຕົກລົງຂອງທ່ານເຈົ້າເມືອງຈໍາພອນວ່າດ້ວຍການຍຸບຫ້ອງການ ແລະມອບໂອນສັບສິນທາງປັນຍາມາດຕະຖານ ແລະ ການວັດແທກ ໄປຂື້ນກັບຫ້ອງການອຸດສາຫະກຳ ແລະ ການຄ້າ ເມືອງ ຈຳພອນ ພ້ອມນີ້ທ່ານ ບຸນຍູ້ ລຸນລາທິສັກ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ກໍ່ໄດ້ຂື້ນຜ່ານຂໍ້ຕົກລົງຂອງທ່ານ ເຈົ້າເມືອງ ວ່າດ້ວຍການຍົກຍ້າຍບ່ອນປະຈຳການຂອງພະນັກງານ ໄປຢູ່ຫ້ອງການອຸດສາຫະກຳ ແລະ ການຄ້າເມືອງ ແລະ ຫ້ອງວ່າການປົກຄອງເມືອງໃນພິທີຍັງໄດ້ມີການເຊັນບົດບັນທືກມອບ-ໂອນ ຫົວຫນ້າຫ້ອງການວິທະຍາສາດ ເຕັກໂນໂລຊີ ແລະ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງລະຫວ່າງທ່ານ ສຳລານ ພະຈອມພົນ ແລະ ທ່ານ ຈັນທະລາ ສອນວັນນະເຮືອງ ຕື່ມອີກ.

ໃນໂອກາດທີ່ໄດ້ເຂົ້າຮ່ວມພິທີມອບ-ໂອນ ວຽກງານວິທະຍາສາດໄປຂື້ນກັບອຸດສາຫະກຳ ແລະ ການຄ້າຄັ້ງນີ້ ທ່ານ ໄຊຍະເດດ ຜຸຍຍະວົງ ຮອງຫົວຫນ້າພະແນກອຸດສາຫະກຳ ແລະ ການຄ້າແຂວງ ຍັງໄດ້ມອບເງິນຈຳນວນ 3.000.000 ກີບເພື່ອສົມທົບທຶນໃນການກໍ່ສ້າງທາງເບຕົງພາຍໃນເມືອງຈໍາພອນ ໂດຍການຮັບຂອງທ່ານ ຄຳລຸຍ ຍາດຕິວົງ ເຈົ້າເມືອງຈຳພອນ.

ຂໍຂອບໃຈ ເສດຖະກິດການຄ້າ

Author: admin

8 ກັນຍາ ພົບຜູ້ຕິດເຊື້ອໃໝ່ 211 ຄົນ, ຊຸມຊົນ 77 ຄົນ, ຄໍາມ່ວນໜ້າຫ່ວງ ຕິດເຊື້ອໃນຊຸມຊົນ 30 ຄົນ

ເມືອງຈຳພອນ ມອບ-ໂອນ ວຽກງານວິທະຍາສາດ ແລະ ເຕັກໂນໂລຊີ ໄປຂຶ້ນກັບຫ້ອງການ ອຸດສາຫະກຳ ແລະການຄ້າ