4 ເຫດຜົນ ທີ່ເຮັດໃຫ້ຄົນສ່ວນໃຫຍ່ບໍ່ກ້າລົງມືເຮັດທຸລະກິດ ມີຫຍັງແນ່

4 ເຫດຜົນ ທີ່ເຮັດໃຫ້ຄົນສ່ວນໃຫຍ່ບໍ່ກ້າລົງມືເຮັດທຸລະກິດ ມີຫຍັງແນ່





ເປັນຫຍັງຄົນສ່ວນຫຼາຍຄິດຢາກລົງທຶນເຮັດທຸລະກິດໃດໜຶ່ງ ແຕ່ເມື່ອຮອດເວລາແທ້ໆ ພັດເກີດຄວາມລັງເລ ຫຼື ຍົກເລີກຄວາມຄິດນັ້ນໄປເລີຍ ຍ້ອນເຫດໃດຈິ່ງແບບນັ້ນ ເຮົາມາອ່ານຄຳຕອບໄປພ້ອມກັນເລີຍ!!!

  1. ຄວາມສ່ຽງ ຍ້ອນຄົນສ່ວນຫຼາຍບໍ່ກ້າສ່ຽງ ອາດເກີດຄວາມກັງວົນຢ້ານທຸລະກິດທີລົງທຶນໄປແລ້ວນັ້ນຢ້ານມັນຫຼຸບທຶນ ຢ້ານເງິນກ້ອນນັ້ນສູນຫາຍໄປ
  2. ເຄີຍມີປະສົບການທີ່ບໍ່ດີ ຫຼື ເຫັນແບບຢ່າງທີ່ບໍ່ດີ ອາດມີເພື່ອນ, ຄົນໃນຄອບຄົວ, ຄົນຮູ້ຈັກ ເຮັດທຸລະກິດແລ້ວລົ້ມລະລາຍ ຕົວເອງເລີຍເກັບມາຄິດຈິ່ງເກີດຄວາມຢ້ານ ຢ້ານວ່າຕົວເອງຈະພົບຈຸດຈົບແບບພວກເຂົາເຫຼົ່ານັ້ນ.

  1. ເມື່ອສຶກສາຂໍ້ມູນ ແລະ ຄວາມເປັນໄປໄດ້ເລິກລົງໄປແລ້ວ ຮູ້ສຶກວ່າມັນຫຍຸ້ງຍາກ ຫຼື ມີແນວໂນ້ມທີ່ບໍ່ຄຸ້ມຄ່າກໍ່ເລີຍຖອດໃຈບໍ່ສ່ຽງດີກວ່າ
  2. ບໍ່ມີຄວາມເຊື່ອໝັ້ນ ຫຼື ໝັ້ນໃຈກັບຫຸ້ນສ່ວນທີ່ຈະຮ່ວມທຶນກັນ

ທີ່ມາ ເສດຖະກິດການຄ້າ





ສົງຄາມການຄ້າ! ອາເມຣິກາ-ຈີນ ຂຶ້ນພາສີຕອບໂຕ້ກັນ

ສົງຄາມການຄ້າ! ອາເມຣິກາ-ຈີນ ຂຶ້ນພາສີຕອບໂຕ້ກັນ





ລັດຖະບານອາເມຣິກາ ແລະ ຈີນ ຕັ້ງກຳແພງພາສີ ໃສ່ກັນ ແລະ ກັນ 25% ສຳລັບສິນຄ້ານຳເຂົ້າອີກຝ່າຍລະຫຼາຍກວ່າ 129.000 ຕື້ກີບ ຂະຫຍາຍຂອບເຂດສົງຄາມການຄ້າ ລະຫວ່າງສອງປະເທດມະຫາອຳນາດທາງເສດຖະກິດ.

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນ ປະເທດສະຫະຣັດ ອາເມຣິກາ ວັນພະຫັດ ທີ 23 ສິງຫາ ວ່າ ສຳນັກງານກວດຄົນເຂົ້າເມືອງ ແລະ ພາສີ ອອກຖະແຫຼງການເມື່ອເວລາ 00:01 ໂມງ ກົງກັບວັນພະຫັດ ເວລາ 12:01 ໂມງ ຕາມເວລານະຄອນປັກກິ່ງ ວ່າ ກຳແພງພາສີໃນອັດຕາ 25% ສຳຫຼັບມູນຄ່າການນຳເຂົ້າສິນຄ້າຈາກຈີນ 289 ລາຍການ ລວມເຖິງ Semiconductor, ເຄື່ອງອາໄຫຼ່ຍານຍົນ ແລະ ອຸປະກອນກໍ່ສ້າງ ຄິດເປັນມູນຄ່າ 16.000 ລ້ານດອລລາ (ປະມານ 136.350 ຕື້ກີບ) ມີຜົນບັງຄັບໃຊ້ຢ່າງເປັນທາງການແລ້ວ.

ໃນເວລາດຽວກັນ ກະຊວງການຄ້າຂອງຈີນ ໄດ້ອອກຖະແຫຼງການວ່າ ມາດຕະການຮຽກເກັບພາສີເພິ່ມຕື່ມຈາກສິນຄ້າຂອງອາເມຣິກາ ໃນລະດັບເທົ່າທຽມກັນ ມີຜົນບັງຄັບໃຊ້ແລ້ວເຊັ່ນກັນ ຄວບຄຸມສິນຄ້າ 333 ລາຍການ ລວມເຖິງຊິ້ນສ່ວນຍານຍົນ, ວັດຖຸເຊື້ອໄຟ, ເສດທອງແດງ, ອຸປະກອນການແພດ ແລະ ຜະລິິດຕະພັນຖ່ານຫິນ.

ທັງນີ້ ການຍົກລະດັບກຳແພງພາສີຂອງທັງສອງປະເທດໃນອັດຕາດັ່ງກ່າວ ຖືວ່າເປັນສ່ວນສຸດທ້າຍຂອງມາດຕະການກຳແພງພາສີ 25% ສຳຫຼັບປະລິມານການນຳເຂົ້າສິນຄ້າ 50.000 ລ້ານດອລລາ (ປະມານ 426.060 ຕື້ກີບ) ທີ່ອາເມຣິກາ ແລະ ຈີນ ຕອບໂຕ້ກັນໄປມາກ່ອນໜ້ານີ້. ໂດຍສິນຄ້າກຸ່ມທຳອິດຂອງທັງສອງປະເທດ 34.000 ລ້ານດອລລາ (ປະມານ 289.720 ຕື້ກີບ) ຜະເຊີນກັບກຳແພງພາສີຕັ້ງແຕ່ ວັນທີ 6 ກໍລະກົດຜ່ານມາ ຂະນະທີ່ຜູ້ຊ່ຽວຊານໄດ້ປະເມີນວ່າ ສົງຄາມການຄ້າ ລະຫວ່າງອາເມຣິກາ ກັບ ຈີນ ຈະສົ່ງຜົນໃຫ້ເສດຖະກິດໂລກຊະລໍຕົວປະມານ 0,5% ຕໍ່ມູນຄ່າສິນຄ້າທີ່ຕ້ອງຂຶ້ນພາສີທຸກໆ 100.000 ດອລລາ (ປະມານ 850 ລ້ານກີບ).

ທີ່ມາ ເສດຖະກິດການຄ້າ





ກະລຸນາໃສ່ ອີເມວ ຂອງທ່ານເພື່ອຮັບລິ້ງດາວໂຫລດ

PXaas - App & Software Landing Page Theme
ດາວໂຫລດ
Close