ບໍ່ແມ່ນແຕ່ ໝາ ແມວ ເມື່ອເສືອ ກໍ່ຕິດ Covid-19 ໄດ້ ມີແນວໂນ້ມວ່າສິ່ງທີ່ມີຊີວິດຈະຕິດໄດ້ທັງໝົດ

ບໍ່ແມ່ນແຕ່ ໝາ ແມວ ເມື່ອເສືອ ກໍ່ຕິດ Covid-19 ໄດ້ ມີແນວໂນ້ມວ່າສິ່ງທີ່ມີຊີວິດຈະຕິດໄດ້ທັງໝົດ





ຫ້ອງປະຕິບັດການສັດຕະວະແພດແຫ່ງຊາດຂອງກະຊວງກະເສດສະຫະລັດ (USDA) ລາຍງານວ່າເສືອໃນສວນສັດ Bronx ໃນມະຫານະຄອນນິວຢອກໄດ້ຮັບການກວດເຊື້ອ SARS-CoV-2 ຫລືທີ່ເຮົາຮູ້ຈັກກັນດີ COVID-19 ພົບວ່າເປັນຜົນບວກ ຫລື ມີພາວະຕິດເຊື້ອ

ເຈົ້າຫນ້າທີໄດ້ເອົາໂຕເສືອແລະສິງມາກວດຫາໄວຣັດໂຄໂຣນ້າ ຫລັງພວກມັນມີອາການປ່ວຍກ່ຽວກັບລະບົບທາງເດີນຫາຍໃຈ ໂດຍໂຕເສືອທີ່ໄດ້ຕິດໄວຣັດໂຄໂຣນ້າມີຊື່ວ່າ ນາເດຍ ພັນມາລາຍັນ ອາຍຸ 4 ປີ ເຊິ່ງທາງສວນສັດໄດ້ເຜີຍວ່າ ນ້ອງສາວຂອງ ນາເດຍ ຊື່ ອາຊູລ ແລະ ສິງອີກອາຟຣິກາອີກສາມໂຕເລີ່ມມີອາການໄອແຫ້ງ ໂດຍທັງໝົດຕ້ອງຖືກວ່າງຢາສະຫຼົບເພື່ອທຳການກວດຫາເຊື້ອໄວຣັດດັ່ງກ່າວ

ທາງການສວນສັດໄດ້ທົດສອບຢ່າງລະມັດລະວັງ ສິ່ງທີ່ສັງເກດເຫັນໄດ້ນອກຈາກພາວະໄອແຫ້ງແລະບັນຫາກ່ຽວກັບລະບົບທາງເດີນຫາຍໃຈຄືພວກມັນມີຄວາມຢາກອາຫານຫນ້ອຍລົງຢ່າງເຫັນໄດ້ຊັດ ແຕ່ກໍ່ຍັງມີການຕອບສະໜອງຕໍ່ເຈົ້າຫນ້າທີທີ່ດີ ມີຄວາມສົດໃສແຕ່ຍັງບໍ່ມີໃຜຮູ້ວ່າໄວຣັດທີ່ແຜ່ລະບາດມາໃນສັດຈະມີພັດທະນາການຂອງໂລກທີ່ແຕກຕ່າງໄປຈາກຂອງມະນຸດຢ່າງໃດແນ່ ເຊິ່ງທາງເຈົ້າຫນ້າທີກໍ່ຈະເບິ່ງແຍງຢ່າງໃກ້ຊິດ ແລະ ເຊື່ອວ່າຈະສາມາດຮັກສາພວກມັນດີຂຶ້ນໄດ້

USDA ແນະນຳເພີ່ມເຕີມວ່າໃຜທີ່ມີຄວາມສ່ຽງຕິດເຊື່ອ COVID-19 ຄວນຢູ່ຫ່າງຈາກສັດທຸກຊະນິດເອົາໄວ້ ຫາກຈຳເປັນຕ້ອງເບິ່ງແຍງສັດລ້ຽງຂອງຕົວເອງກໍ່ຕ້ອງໝັ່ນລ້າງມືໃຫ້ສະອາດກ່ອນ

ສື່ຕ່າງປະເທດລາຍງານວ່າເສືອອາດຈະເປັນສັດຊະນິດທຳອິດໃນສະຫະລັດອາເມລີກາທີ່ຕິດເຊື້ອໄວຣັດໂຄໂຣນ້າ ຫລື Covid-19 ແລະ ຈາກຂໍ້ມູນທີ່ຜ່ານມາ ບໍ່ວ່າຈະເປັນໝາ ແມວ ຫລື ເສືອກໍ່ຊ່ວຍຢືນຢັນໄດ້ແລ້ວວ່າໄວຣັດໂຄໂຣນ້າຕິດຈາກຄົນສູ່ສັດໄດ້

ອ້າງອີງ Time

ຮຽບຮຽງໂດຍ ຊົ່ວໂມງວຽງຈັນ





Apple ອາດແຊງ Huawei ກັບມາເປັນຜູ້ຜະລິດສະມາດໂຟນອັນດັບສອງຂອງໂລກອີກຄັ້ງ

Apple ອາດແຊງ Huawei ກັບມາເປັນຜູ້ຜະລິດສະມາດໂຟນອັນດັບສອງຂອງໂລກອີກຄັ້ງ





ໃນຊ່ວງ ສອງສາມປີ ທີ່ຜ່ານມາ Huawei ສ້າງຍອດຂາຍທົ່ວໂລກໄດ້ຢ່າງຫນ້າປະທັບໃຈຫລາຍ ຈົນສາມາດຂຶ້ນແທນອັນດັບສອງຜູ້ຜະລິດສະມາດໂຟນຂອງໂລກ ແຊງຫນ້າ Apple ເປັນຮອງພຽງ Samsung ເທົ່ານັ້ນ ໂດຍ TrendForce ເຜີຍວ່າ ຕະຫລາດສະມາດໂຟນໃນປີນີ້ເຕີບໂຕຂຶ້ນ 9.2%

ປັດຈຸບັນ Samsung ເປັນຜູ້ຜະລິດສະມາດໂຟນອັນດັບຫນຶ່ງຂອງໂລກ ກິນສ່ວນແບ່ງ 20.8% ຕາມມາດ້ວຍ Huawei ກິນໄປ 18% ມີຍອດຂາຍສະມາດໂຟນທັງໝົດ 67.5 ລ້ານຫນ່ວຍໃນໄຕມາດທີ່ຜ່ານມາ ສ່ວນອັນດັບທີ່ສາມແມ່ນ Apple ຄອງສ່ວນແບ່ງຕະຫລາດ 12.4% ເຮັດຍອດຂາຍສະມາດໂຟນໄດ້ທັງໝົດ 46.7 ລ້ານຫນ່ວຍ

ທີ່ຫນ້າສົນໃຈ ຈາກຕົວເລກຂ້າງເທິງນີ້ TrendForce ໄດ້ຄາດການວ່າ Apple ອາດຈະກັບມາແຊງ Huawei ສາມາດເຮັດຍອດຂາຍ iPhone ໄດ້ທັງໝົດ 69 ລ້ານຫນ່ວຍ ຂຶ້ນແທນອັນດັບສອງໄດ້ອີກໃນໄຕມາດທີ່ 4 ຂອງປີນີ້





ນາຍົກລັດຖະມົນຕີ ຢ້ຽມຢາມ ຣາຊະອານາຈັກກຳປູເຈຍ

ນາຍົກລັດຖະມົນຕີ ຢ້ຽມຢາມ ຣາຊະອານາຈັກກຳປູເຈຍ





ຂປລ. ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເດີນທາງເຖິງ ນະຄອນຫລວງພະນົມເປັນ ເພື່່ອ ຢ້ຽມຢາມ ຣາຊະອານາຈັກ ກໍາປູເຈຍຢ່າງເປັນທາງການ ຕາມຄຳເຊີນຂອງ ສົມເດັດ ອັກຄະມະຫາເສນາບໍດີ ເຕໂຈ ຮຸນ ແຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ, ໃນລະຫວ່າງ ວັນທີ 12-13 ກັນຍາ 2019 ເພື່ອຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ແລະ ການຮ່ວມມື ລະຫວ່າງ ລາວ ແລະ ກຳປູເຈຍ.

ຂໍຂອບໃຈ ຂ່າວສານປະເທດລາວ





ປະຊາຊົນແຂວງຈຳປາສັກອະນາໄມທຳຄວາມສະອາດນະຄອນປາກເຊ

ປະຊາຊົນແຂວງຈຳປາສັກອະນາໄມທຳຄວາມສະອາດນະຄອນປາກເຊ





ຕາມການລາຍງານຂອງຫນັງສືພິມກອງທັບໃຫ້ຮູ້ວ່າ ໃນວັນທີ 11 ກັນຍານີ້, ຈາກ 5 ຫ້ອງການຂອງກອງບັນ ຊາການທະຫານແຂວງຈໍາປາ ສັກ ເຊິ່ງນໍາໂດຍ ສະຫາຍ ພັນເອກ ບຸນມາກ ວິລະວົງ ຫົວໜ້າການ ເມືອງກອງບັນຊາການທະຫານ ແຂວງຈໍາປາສັກ ຈຳນວນ 60 ກວ່າສະຫາຍ ໄດ້ລົງສົມທົບກັບ ອໍານາດການປົກຄອງນະຄອນ ປາກເຊ ແລະ ພໍ່ແມ່ປະຊາຊົນຈັດ ຂະບວນການອະນາໄມທໍາຄວາມສະອາດຕາມເສັ້ນທາງ, ສໍານັກ ງານອົງການ, ໂຮງຮຽນ, ໂຮງ ໝໍ ແລະ ບ້ານເຮືອນຂອງພໍ່ແມ່ ປະຊາຊົນເຂດເທສະບານນະ ຄອນປາກເຊຫຼັງລະດັບນ້ໍາຖ້ວມ ຫຼຸດລົງ. ຂະບວນການອະນາໄມທໍາ ຄວາມສະອາດ ຫຼາຍພາກສ່ວນ ໄດ້ຮ່ວມແຮງຮ່ວມໃຈກັນລະດົມກໍາລັງແຮງງານອອກແບ່ງເປັນ 5 ຈຸດຄື: ຂອບເຂດບ້ານຫຼັກເມືອງ, ເຂດບ້ານປາກເຊ, ເຂດບ້ານທົ່ງ, ເຂດບ້ານທ່າຫຼວງ ແລະ ເຂດ ບ້ານໂພນກຸງ ໂດຍໄດ້ເລັ່ງໃສ່ອະ ນາໄມເສັ້ນທາງ, ສໍານັກງານ ພາກລັດ-ເອກະຊົນ, ເຮືອນຊານ ພໍ່ແມ່ປະຊາຊົນປັບປຸງສະພາບ ແວດລ້ອມເຮັດໃຫ້ການດໍາລົງຊີ ວິດ ແລະ ການໄປມາຂອງພໍ່ແມ່ ປະຊາຊົນເຂດດັ່ງກ່າວໃຫ້ສະ ດວກສະບາຍ.

ສະຫາຍ ພັນເອກ ບຸນມາກ ວິລະວົງ ລາຍງານຕໍ່ນັກຂ່າວ ໜັງສືພິມກອງທັບວ່າ: ມາຮອດ ປັດຈຸບັນວິກິດການໄພພິບັດນ້ໍາ ຖ້ວມຢູ່ນະຄອນປາກເຊຫຼຸດລົງ ເກືອບເປັນປົກກະຕິແລ້ວ, ກໍາລັງ ປະກອບອາວຸດພວກເຮົາໄດ້ແກ້ ໄຂວິກິດການດັ່ງກ່າວໄດ້ຫຼາຍ ດ້ານຢ່າງວ່ອງໄວທັນການຫຼັງ ຈາກລະດັບນ້ໍາຫຼຸດລົງພວກເຮົາ ໄດ້ເລັ່ງລະດົມກໍາລັງອ້າຍນ້ອງ ເຂົ້າໃນການຟື້ນຟູທໍາຄວາມສະ ອາດໄດ້ໃນຫຼາຍຈຸດ ໂດຍສະ ເພາະໄດ້ເລັ່ງໃສ່ເທສະບານນະ ຄອນປາກເຊໃນຂອບເຂດຮັບ ຜິດຊອບສາມຈຸດ ຄື: ຢູ່ເຂດສໍາ ນັກງານອົງການ, ເຂດບ້ານໂພນ ງາມ ແລະ ເຂດບ້ານໂພນສະອາດ ພ້ອມນັ້ນຍັງເລັ່ງລະດົມກໍາລັງ ອ້າຍນ້ອງຊ່ວຍເຫຼືອຂົນຍ້າຍຊັບ ສິນຂອງພໍ່ແມ່ປະຊາຊົນທີ່ໄດ້ຮັບຜົນກະທົບໜັກກັບຄືນພູມລໍາເນົາ ແລະ ປົວແປງທໍາຄວາມສະອາດ ໃຫ້ເຂົາເຈົ້າດໍາລົງຊີວິດເປັນປົກ ກະຕິປັດສະຈາກໂລກໄພໄຂ້ເຈັບຕ່າງໆທີ່ຈະເກີດຂຶ້ນ.

ໂດຍ: ໂຊເລ້ ແລະ ຂ່າວຫນ້າ1





Alibaba ຄົບຮອບ 20 ປີແລ້ວ, Jack Ma ກະສຽນອາຍຸຢ່າງເປັນທາງການມື້ນີ້

Alibaba ຄົບຮອບ 20 ປີແລ້ວ, Jack Ma ກະສຽນອາຍຸຢ່າງເປັນທາງການມື້ນີ້





Jack Ma ຜູ້ກໍ່ຕັ້ງ Alibaba ໄດ້ກະສຽນອາຍຸ ແລະ ວາງມືຢ່າງເປັນທາງການໃນມື້ນີ້ (10 ກັນຍາ 2019) ເຊິ່ງຖືວ່າເປັນວັນຄົບຮອບ 20 ປີ ຂອງ Alibaba ຕາມທີ່ເຄີຍປະກາດໄວ້ລ່ວງຫນ້າ

ໃນໂອກາດນິ້ Jack Ma ວາງມື ທາງທີມປະຊາສຳພັນຂອງ Alibaba ຈຶ່ງພາລາວກັບໄປຫາອາພາດເມັ້ນ Hupan Garden ເຊິ່ງໃນຕອນນັ້ນ ລາວກັບຫມູ່ອີກ 17 ຄົນຮ່ວມກັນກໍ່ຕ້ອງ Alibaba ເມື່ອ 20 ປີກ່ອນ ແລະ ຖືວ່າເປັນ “ພື້ນທີ່ສັກສິດ (sacred space) ຂອງບໍລິສັດອີກດ້ວຍ”

Alibaba ຍັງໃຊ້ບໍລິການຂອງ Hupan Garden ເປັນ ອອຟຟິຊ໌ຢູ່ ໂດຍຜະລິດຕະພັນຫມ່ໆ ໃນຍຸກຫລັງຢ່າງ Taobao, DingTalk, Alimama ຈະຍ້າຍເຂົ້າມາອອຟຟິຊ໌ແຫ່ງນີ້ໃນຊ່ວງໃກ້ເປີດຕົວ ເພື່ອໃຫ້ ຊຶມຊັບ ຈິດວິນຍານຂອງຍຸກກໍ່ຕັ້ງ

ຜູ້ທີ່ຈະມາດຳລົງຕຳແຫນ່ງປະທານຂອງ Alibaba ແທນ Jack Ma ຄື Daniel Zhang ຊີອີໂອ ຄົນປັດຈຸບັນຂອງ Alibaba

ທີ່ມາ – Alzila





FaceApp ອາດລັກຂໍ້ມູນສ່ວນໂຕຜູ້ໃຊ້ໄປຂາຍໄດ້

FaceApp ອາດລັກຂໍ້ມູນສ່ວນໂຕຜູ້ໃຊ້ໄປຂາຍໄດ້





ແອັບ FaceApp ໃນໂທລະສັບມືຖືຈາກຜູ້ສ້າງໃນຣັດເຊຍ ເປັນແອັບທີ່ສາມາດປ່ຽນພາບລັກ ປ່ຽນອາຍຸ ປັບຮູບໜ້າ ແຕ່ງໜ້າ ແລະ ອື່ນໆ ແລະເມື່ອທ່ານທີ່ເຂົ້າໃຊ້ແອັບດັ່ງກ່າວກໍໝາຍຄວາມວ່າຜູ້ສ້າງແອັບສາມາດນຳໃຊ້ໃບໜ້າຂອງທ່ານໄດ້ໃນທຸກກໍລະນີ ເນື່ອງຈາກແອັບດັ່ງກ່າວຈະສາມາດເຂົ້າເຖິງຮູບພາບ ແລະ ຊື່ຂອງທ່ານ ປັດຈຸບັນ ມີຄົນດາວໂຫຼດ ແລະ ເຂົ້າໃຊ້ແອັບດັ່ງກ່າວຫຼາຍກວ່າ 100 ລ້ານຄົນ ທີ່ດາວໂຫຼດມາຈາກກູເກິລ ເພລ ແລະ ແອັບດັ່ງກ່າວຂຶ້ນມາຕິດອັນດັບຕົ້ນໆທີ່ຖືກດາວໂຫຼດຫຼາຍທີ່ສຸດໃນ 121 ປະເທດທົ່ວໂລກ.

ທັງນີ້ ໃນເງື່ອນໄຂການເຂົ້າໃຊ້ຂອງແອັບດັ່ງກ່າວ ກ່ອນທີ່ຈະເຂົ້າໃຊ້ແອັບດັ່ງກ່າວກ່ອນອື່ນໝົດທ່ານຕ້ອງໄດ້ກົດຍອມຮັບ ຫຼື ເຫັນດີທຸກກໍລະນີ ຊຶ່ງກໍລະນີດັ່ງກ່າວຖ້າຈະໃຫ້ປອດໄພກໍຄືຄວນໃຊ້ພຽງເທື່ອດຽວ ແລະ ຖ່າຍຮູບໃບດຽວຂະນະທີ່ນຳໃຊ້ແອັບ ແຕ່ຖ້າຫາກທ່ານເຂົ້ານຳໃຊ້ແອັບນີ້ໂດຍທີ່ກົດເຫັນດີທຸກຢ່າງ ແອັບນີ້ກໍຈະເຂົ້າເຖິງທີ່ຢູ່ ແລະ ແຫຼ່ງຂໍ້ມູນຕ່າງໆ ລວມເຖິງປະຫວັດການຄົ້ນຫາ ຊຶ່ງອາດກາຍເປັນຊ່ອງທາງທີ່ສ້າງຜົນປະໂຫຍດໃຫ້ແກ່ຜູ້ສ້າງແອັບ ເນື່ອງຈາກແອັບຈະເຈາະເຂົ້າຂໍ້ມູນສ່ວນຕົວຂອງທ່ານ ບໍ່ວ່າຈະເປັນສິ່ງທີ່ທ່ານມັກ ຫຼື ພຶດຕິກຳຕ່າງໆຂອງທ່ານ ແລະ ສຸດທ້າຍແອັບດັ່ງກ່າວກໍຈະຍິງໂຄສະນາທີ່ກ່ຽວຂ້ອງກັບການໃຊ້ຊີວິດຂອງທ່ານເຂົ້າມາຜ່ານໂຊຊຽວທຸກຢ່າງທີ່ທ່ານເຂົ້າເຖິງ.

ຂະນະທີ່ທາງຜູ້ພັດທະນາ FaceApp ໄດ້ອອກມາອະທິບາຍວ່າ ຂໍ້ມູນພາຍໃນແອັບບໍ່ໄດ້ຖືກສົ່ງໄປຍັງເຊີຟເວີທີ່ຣັດເຊຍ ໂດຍບໍລິສັດເລືອກໃຊ້ເຊີຟເວີຂອງກູເກິລ ຄລາວ ແລະ ແອມະຊອນ ເວັບເຊີວິສ ເຖິງແມ່ນຈະມີການອັບໂຫຼດຮູບພາບໄວ້ເທິງຄລາວ ແຕ່ລະບົບກໍຈະລົບພາບເຫຼົ່ານັ້ນອອກຈາກເຊີຟເວີພາຍໃນ 48 ຊົ່ວໂມງ ລວມທັງບໍ່ມີການຂາຍຂໍ້ມູນໃຫ້ກັບບໍລິສັດອື່ນຢ່າງແຕ່ຢ່າງໃດ

ຂ່າວຈາກ ລາວໂພສຕ໌





ຄວນຮູ້ໄວ້ ກົດລະບຽບການໃຊ້ອຸປະກອນອີເລັກໂທນິກເທິງຍົນ

ຄວນຮູ້ໄວ້ ກົດລະບຽບການໃຊ້ອຸປະກອນອີເລັກໂທນິກເທິງຍົນ





ກົດລະບຽບການໃຊ້ອຸປະກອນອີເລກໂທນິກ ເທິງຍົນ ເປັນສິ່ງທີ່ຜູ້ໂດຍສານຈະຕ້ອງຮູ້ແລະປະຕິບັດຕາມເຈົ້າຫນ້າທີ່ເທິງຍົນ ເພື່ອຄວາມປອດໄພຂອງທຸກໆຊີວິດເທິງຍົນ ເພາະ ການໃຊ້ອຸປະກອນອີເລັກໂທນິກຕ່າງໆ ອາດຈະລົບກວນລະບົບການຕິດຕໍ່ສື່ສານແລະການເດີນທາງເທິງອາກາດໄດ້

ກົດລະບຽບການໃຊ້ອຸປະກອນອີເລັກໂທນິກ ເທິງຍົນ

1. ອຸປະກອນອີເລັກໂທນິກທີ່ຫ້າມໃຊ້ຕະຫລອກຖ້ຽວບິນ

ເນື່ອງຈາກການໃຊ້ອຸປະກອນອີເລັກໂທນິກຕ່າງໆ ອາດລົບກວນລະບົບການຕິດຕໍ່ສື່ສານແລະການເດີນທາງອາກາດຂອງຍົນ ດັ່ງນັ້ນ ໃນຂະນະທີ່ຢູ່ເທິງຍົນຂໍໃຫ້ຜູ້ໂດຍສານປິດເຄື່ອງອຸປະກອນດັ່ງຕໍ່ໄປນີ້: ໂທລະສັບເຄື່ອນທີ່ທຸກຊະນິດ ວິທະຍຸສື່ສານແບບພົກພາ ເຄື່ອງຮັບສົ່ງວິທະຍຸທຸກຊະນິດ ອຸປະກອນສື່ສັນຍານທຸກຊະນິດ ເຄື່ອງຮັບວິທະຍຸ ແລະ ໂທລະພາບທຸກຊະນິດ ວິທະຍຸຕິດຕໍ່ຕາມຕົວ ລວມທັງຂອງຫລິ້ນໃຊ້ວິທະຍຸບັງຂັບ ແລະ ຂອງຫລິ້ນອີເລັກໂທນິກຕ່າງໆ

2. ອຸປະກອນຶີເລັກໂທນິກທີ່ສາມາດໃຊ້ໄດ້ຫລັງຈາກຍົນຂຶ້ນແລ້ວ ນາທີ ແລະ ຕ້ອງຢຸດໃຊ້ເມື່ອເລື່ອຫລຸດລະດັບຂີດເພດານບິນແລະໄຟສັນຍານແຈ້ງຮັດເຂັມຂັດນິລະໄພ

ໄດ້ແກ່ ເຄື່ອງຄິດເລກ ເຄື່ອງແຖຫນວດໄຟຟ້າ ຄອມພິວເຕີ ເຄື່ອງຫລິ້ນວີດີໂອທຸກຊະນິດ ເຄື່ອງຫລິ້ນເກມ ເຄື່ອງຫລິ້ນເທັບ/ຊີດີ/ມີນີດິສກ໌/ເອັມພີ3 ແລະດີວີດີ ທັງນີ້ຕ້ອງໃຊ້ກັບຫູຟັງເທົ່ານັ້ນ ທັງໂທລະສັບເຄື່ອນທີ່ ແລະ ພີດີເອທີ່ມີລະບົບການທຳງານໄຟທ4ໂມດ ສາມາດເປີດໃຊ້ງານໄດ້ເມື່ອຕັ້ງຄ່າໃນໄຟລທ໌ໂມດເທົ່ານັ້ນ ຢ່າງໃດກໍ່ຕາມຫາກກວດສອບວ່າມີການໃຊ້ງານອຸປະກອນອີເລັກໂທນິກໃດໆທີ່ຕ້ອງສົງໃສວ່າອາດຈະລົບກວນລະບົບການຕິດຕໍ່ສື່ສານແລະການເດີນອາກາດຂອງຍົນ ຜູ້ໂດຍສານຈະຕ້ອງປິດອຸປະກອນເຫລົ່ານັ້ນຕະຫລອດຖ້ຽວບິນ

3. ອຸປະກອນອີເລັກໂທນິກທີ່ໃຊ້ໄດ້ຕະຫລອດຖ້ຽວບິນ

ໄດ້ແກ່ ເຄື່ອງຊ່ວຍຟັງ ເຄື່ອງຊ່ວຍກະຕຸ້ນຫົວໃຈ ໂມງອີເລັກໂທນິກ ແລະ ອຸປະກອນອີເລັກໂທນິກທີ່ຕິດຕັ້ງເທິງຍົນ

ຢ່າງໃດກໍ່ຕາມ ສາຍການບິນອື່ນໆອາກຈະຂໍ້ປະຕິບັດກ່ຽວກັບການໃຊ້ອຸປະດອນອີເລັກໂທນິກທີ່ແຕກຕ່າງກັນ ຕົວຢ່າງ ບາງສາຍການບິນອານຸຍາກໃຫ້ໃຊ້ໂທລະສັບໄດ້ ເປັນຕົ້ນ ແຕ່ສ່ວນໃຫຍ່ຈະໃຊ້ຜ່ານ WiFi ເທົ່ານັ້ນ ທັງນີ້ເພື່ອຄວາມປອດໄພ ຄວນປະຕິບັດຕາມເຈົ້າຫນ້າທີ່ເທິງຍົນຂອງສາຍການບິນທີ່ໄດ້ແນະນຳໄວ້ ເຊິ່ງອາດຈະປ່ຍນແປງໄດ້ ຂຶ້ນຢູ່ກັບຮູບແບບເສັ້ນທາງການບິນ ອຸປະກອນອີເລັກໂທນິກທີ່ທ່ານໃຊ້

ຮຽງຮຽງໂດຍ Hosting4lao.com





Google ປະກາດລາຍຊື່ມືຖື Android ທີ່ຝັງມ່ວແວຣ໌ໃນ OS

Google ປະກາດລາຍຊື່ມືຖື Android ທີ່ຝັງມ່ວແວຣ໌ໃນ OS





Google ປະກາດລາຍຊື່ມືຖື Android ທີ່ໄດ້ຝັງມາວແວຣ໌ໃນ OS ເຊິ່ງສ່ວນໃຫຍ່ຈະເປັນມືຖືລາຄາປະຫຍັດ ແຕ່ຕິດຕັ້ງແອບແຝງມາວແວຣ໌ທີ່ມີຊື່ວ່າ Triada ມາໃນຂັ້ນຕອນການຜະລິດ ເຊິ່ງມາວແວຣ໌ Triada ສາມາດແຊກແຊງການແຊັດສົນທະນາ ແອບເບິ່ງການທຳງານການໃຊ້ມືຖືຂອງທ່ານ ແລະ ລັກຂໍ້ມູນທີ່ສຳຄັນ ລວມໄປເຖິງແອບເບິ່ງແອັບ Mobile Banking ເພື່ອເກັບຂໍ້ມູນບາງຢ່າງ ທັງນີ້ Triada ຈະໃຊ້ຊ່ອງໂຫວ່ດ້ານຄວາມປອດໄພໃນການແອບສົ່ງຂໍ້ມູນ

ລາຍຊື່ສະມາດໂຟນທີ່ມີມາວແວຣ໌ Triada ຕິດແຝງໃນເຄື່ອງໄດ້ແກ່:
Leagoo M5
Leagoo M5 Plus
Leagoo M5 Edge
Leagoo M8
Leagoo M8 Pro
Leagoo Z5C
Leagoo T1 Plus
Leagoo Z3C
Leagoo Z1C
Leagoo M9
ARK Benefit M8
Zopo Speed 7 Plus
UHANS A101
Doogee X5 Max
Doogee X5 Max Pro
Doogee Shoot 1
Doogee Shoot 2
Tecno W2
Homtom HT16
Umi London
Kiano Elegance 5.1
iLife Fivo Lite
Mito A39
Vertex Impress InTouch 4G
Vertex Impress Genius
myPhone Hammer Energy
Advan S5E NXT
Advan S4Z
Advan i5E
STF AERIAL PLUS
STF JOY PRO
Tesla SP6.2
Cubot Rainbow
EXTREME 7
Haier T51
Cherry Mobile Flare S5
Cherry Mobile Flare J2S
Cherry Mobile Flare P1
NOA H6
Pelitt T1 PLUS
Prestigio Grace M5 LTE
BQ 5510

ໂດຍເຄື່ອງທີ່ເປັນເປົ້້າໝາຍຂອງມາວແວຣ໌ໂຕນີ້ ມັນຖືລະບົບປະຕິບັດການ Android ເວີຊັ້ນ 4.4.2 ຫລື ເກົ່າກ່ວາ ດັ່ງນັ້ນວິທີແກ້ໄຂບັນຫາມາວແວຣ໌ໃນລະບົບປະຕິບັດການຕົວນີ້ ແມ່ນ ໃຫ້ອັບເດດຄວາມປອດໄພແລະອັບເກດ Fireware Android ໃນເວີຊັ້ນທີ່ໃຫມ່ກ່ວາ